Tetë vjet burg për abuzim në familje dhe abuzim seksual. Ky është dënimi i vendosur sot nga Gjykata e Vareses ndaj një 54-vjeçari shqiptar, ende i paidentifikuar me emër, i cili po gjykohet për abuzim me vite me bashkëshorten e tij, edhe kjo shqiptare.
Sipas mediave të huaja, një grua që më në fund ka guximin të denoncojë e më pas të bëjë padi civile me avokaten Elisabetta Brusa, duke marrë edhe dëmshpërblim prej njëzet mijë eurosh.
Një marrëdhënie e dhunshme që nisi tre ditë pas dasmës në Shqipëri sepse gruaja e tij kishte ndërruar manikyrin. Skenat vazhduan deri në Krishtlindjet e vitit 2021, kur burri dhunoi jo vetëm gruan, të cilën e konsideronte fajtore se nuk kishte bërë pazar në mënyrën e duhur (nuk kishte blerë alkool), por edhe dy fëmijët. Por pas denoncimit u arrestua.
Gruaja tha në gjykatë se i shoqi mbante thikë nën jastëkun e shtratit të tyre: një armë, prania e së cilës e pengonte të thoshte “jo” ndaj kërkesave seksuale të burrit, të cilat vinin rregullisht pas britmave, ofendimeve dhe sulmeve fizike. Akuzat janë hedhur poshtë nga burri para gjyqtarëve. Por sërish u dënua me 8 vjet e 8 muaj burg.
Discussion about this post