Gazetari Artan Hoxha ka folur lidhur me sasinë prej 119 kg të kokainës të sekuestruar pak ditë më parë brenda një kamioni i cili kishte mbërritur nga Italia në portin e Durrësit. Në emisionin “Opinion”, Hoxha duke analizuar fotografinë e skanerit të kontenierit, tha se në cepin e djathtë të kësaj foto duket vend bosh.
Sipas gazetarit, mungojnë 113 arka me banane, që sipas tij, u hoqën më përpara. Sipas gazetarit, brenda kontenierit ka patur 1925 kilogramë kokainë, por janë hequr më përpara.
“Në ngarkesë mungojnë 113 arka me banane. Policia shqiptare ka kapur vetëm 7 dhe në ato 7 janë gjetur 119 kg. Shtuar dhe këtu 106 arkat e tjera shkojnë te sasia 1925 kilogramë, gati 2 ton. 106 arkat e tjera skaneri tregon që mungojnë.
Skaneri na trego që ka probleme brenda, ngarkesa nuk është e plotë. Kush e çon kontenierin te skaneri? E çon dogana, e çon dhe policia. Skaneri skanon atë që i sjellin. Arkat janë zbritur dhe pastaj u gjetën te magazina 119 kg se nuk e dimë sa kanë marrë ata në Romanat. Tek ajo ndalesa në Romanat, ata 4 personat kanë hyrë kanë marrë pjesën tjetër të ngarkesës” -tha Artan Hoxha.
Discussion about this post