Policia e Shkodrës ka konfirmuar sekuestrimin e 8 kg kanabis në doganën e Hanit të Hotit dhe arrestimin e dy personave.
Në njoftim bëhet me dije se në kuadër të aksionit kundër trafikimit të kanabisit janë arrestuar dy persona, pasi në makinën e tyre janë zbuluar 8 kg kanabis.
Drejtuesi i mjetit në fjalë ishte një 28-vjeçar, por së bashku me të policia ka shoqëruar dhe pasagjeren 23-vjeçare. Automjeti me të cilin udhëtonin, ka kaluar në pikën e dytë të kontrollit, aty ku dhe u zbulua droga. Në gomën rezervë të mjetit u gjet 8 kg marijuanë e cila u sekuestrua nga uniformat blu.
Të dy personat u shoqëruan në komisariat ku dhe do merren në pyetje. Mbi ta rëndon vepra penale “Trafikim i lëndëve narkotike”.
Discussion about this post