Gjykata e Lartë rrëzon kërkesën e familjarëve të Ervis Martinajt për heqjen e sekuestros ndaj disa pasurive të sekuestruara. Familjarët e Martinajt iu drejtuan me rekurs Gjykatës së Lartë për të kundërshtuar sekuestrimin e pasurive me kërkesë të SPAK dhe që u lanë në fuqi nga GJKKO dhe Apeli.
Ata kërkuan heqjen e sekuestros me pretendimin se pasuritë janë krijuar me burime të ligjshme. Pas shqyrtimit të çështjes, gjykata rrëzoi kërkesën e tyre.
Familjarët e Martinajt kanë denoncuar zhdukjen e Martinajt prej datës 9 gusht, ndërsa më herët ishte shpallur në kërkim policor pas një dëshmie të Nuredin Dumanit. Ky i fundit është shprehur se Ervis Martinaj e kishte porositur për vrasjen e Endrit Dokles.
Që prej kësaj kohe, fati i Martinajt mbetet mister. Kryeministri Edi Rama, në momentin e emërimit të Muhamet Rrumbullakut si Drejtor i Përgjithshëm i Policisë së Shtetit, vuri një afat 100 ditor për zbardhjen e çështjes, pra që Policia të jepte një përgjigje zyrtare mbi fatin e Martinajt, i njohur ndryshe si “mbreti i lojrave të fatit”.
Pasuritë që mbeten nën sekuestro
Aksionet e KING KASINO, ku aksioner është 100% Ervis Martinaj
50 % të aksioneve të shoqërisë “ALBA TELECOMMUNICATION”, në emër të Ervis Martinaj
Aksionet e shoqërisë “MATI UNION”, ku aksioner është 100% Mustafa Martinaj
Aksionet e shoqërisë “MARTINAJ E.M”, ku aksioner është 100% Mustafa Martinaj
Subjekti “Ervis Martinaj”
Shoqëria “REAL FENIX”, ku aksionere është 100% Roberta Martinaj
Subjekti “Drenica Martinaj”
Subjekti “V.K”
Shoqëria “S.P.E Energy” shpk ku aksioner është 100% V.K
21% e aksioneve dhe aseteve te shoqëria “S.P.E Gjadër” të zotëruara nga “S.P.E Energy” shpk ku
aksioner është 100% V.K
Një automjet ‘Smart’, modeli ‘Passion’ në pronësi të Erjona Martinaj
Një automjet ‘Land Rover’, modeli ‘Discovery’ në pronësi të Erjona Martinaj
Një automjet ‘Mercedez-Benz’, modeli GLK 350, në pronësi të Vasilika Martinaj
Një automjet ‘Fiat’, modeli ‘Fiesta’, në pronësi të Vasilika Martinaj
Një automjet BMË, modeli M 550, në pronësi të Vasilika Martinaj
Një pasuri me sip.82 m2 në lagjen “Pavarësia”, Vlorë në pronësi të Drenica Martinaj dhe një arë në
Piqeras, Sarandë në pronësi të Ervis dhe Roberta Martinaj
Një njësi me sip. 137 m2 në pronësi të Vasilika Martinaj
Një ullishte me sip.9 800 m2, në Dobresh, Tiranë
Një arë 3 815 m2 në Fushëkuqe, Kurbin
Arë me sip.7 000 m2 në Patok
Arë në Fushëkuqe, Kurbin sip.12 145 m2
Arë në Patok, Kurbin me sip.1 973 m2
Arë në Patok, Kurbin me sip. 7050 m2
Arë dhe truall me sip.1 975 m2 në Fushë-Milot, Kurbin
Arë me sip.1. 632 m2 në Fushë-Milot, Kurbin
Truall dhe ndërtesë me sip.300 m2 në emër të Mustafa dhe Vasilika Martinaj
Arë me sip. 2. 543 m2 në Fushëkuqe, Kurbin
Arë dhe ndërtesë me sip.410 m2 në Fushëkuqe, Kurbin në emër të Mustafa dhe Vasilika Martinaj
Arë me sip. 120 m2 dhuruar nga Ervis Martinaj shtetases Bisere Hato
Truall dhe ndërtesë 580 m2 dhuruar nga Ervis Martinaj shtetases Bisere Hato
Apartament në rrugën “Dervish Hima”, me sip.105 m2, dhuruar nga Ervis Martinaj shtetases Gelmona Tarja
Ullishte 2000 m2 në fshatin Gjilekë, Dhërmi
Pasuri aktualisht në pronësi të shtetasit Fatmir Ahmet Vuthaj.
Llogari kursimi për fëmijë.
Discussion about this post