Zbulohen dhe sekuestrohen 120 kg drogë në Vaun e Dejës në Shkodër. Droga është gjetur gjatë një operacioni policor në fshatin Karmë, ku kanabisi ishte ende në proces tharjeje. Zona ku kultivohej dhe përgatitej droga për trafikim quhej “Shpati i malit”. Por asnjë person nuk është vendosur në pranga.
Policia e Shtetit tha se po punon për identifikimin dhe kapjen e autorit dhe autorëve të përfshirje në këtë aktivitet të paligjshëm.
“Kontrolle intensive në territor dhe në ambiente të ndryshme, për evidentimin dhe goditjen e veprimtarive kriminale në fushën e narkotikëve. Si rezultat i kontrolleve, gjenden në fshatin Karmë dhe asgjësohen rreth 120 kilogramë kanabis (bimë kanabisi në proces tharjeje). Shërbimet e Komisariatit të Policisë Vau i Dejës, në bazë të informacioneve të siguruara nga inteligjenca policore, për një rast të prodhimit të narkotikëve, kanë ushtruar kontroll në zonën për të cilën disponohej informacion, në vendin e quajtur “Shpati i malit”, në fshatin Karmë, ku kanë gjetur rreth 120 kilogramë kanabis (bimë kanabis në proces tharjeje). Një pjesë e lëndës narkotike u sekuestrua në cilësinë e provës materiale, ndërsa pjesa tjetër u asgjësua në vendngjarje, me anë të djegies. Vijon puna për identifikimin, kapjen dhe nxjerrjen përpara përgjegjësisë penale, të shtetasve të implikuar në këtë veprimtari kriminale. Materialet procedurale i kaluan Prokurorisë, për veprime të mëtejshme”, njoftoi policia.
Discussion about this post