16.500 euro janë sekuestruar sot në Portin e Durrësit në kuadër të një operacioni kundër pastrimit të parave dhe mos deklarimit të të ardhurave. Si rezultat i kontrolleve në hyrje të Portit është kaluar për kontroll të imtësishëm një mjet tip autobus që vinte nga Italia, me drejtues shtetasin Sh. V., 55 vjeç, pasi dyshohej për transport të paligjshëm.
Gjatë kontrollit të ushtruar në mjet, në ventilatorët e kondicionerëve u konstatuan të fshehura 16.500 euro, shumë e cila u sekuestrua në cilësinë e provës materiale.
Në përfundim të veprimeve u procedua penalisht për veprën penale “Mosdeklarimi në kufi i të hollave dhe i sendeve me vlerë”, shtetasi Sh. V., 55 vjeç, banues në Elbasan. Policia po punon për të zbardhur më tej skemën se si ishin siguruar këto para dhe për kur ishte destinacioni i tyre.
Discussion about this post