Pesë persona kanë rënë në prangat e policisë së Kukësit pasi u kapën me lëndë narkotike. Mësohet se janë arrestuar Dritan Xhindaj, Tili Xhindaj, Skerdilajd Veizaj, Kleanth Hoxha dhe Taulant Bejaj.
Gjatë operacionit, këta shtetas u kapën në flagrancë nga shërbimet e Policisë, në ambientet e jashtme të një lokali, me 20 kilogramë lëndë të dyshuar narkotike kanabis, të cilat u sekuestruan në cilësinë e provës materiale.
Në cilësinë e provës materiale janë sekuestruar lënda narkotike, një automjet, 10 aparate celulare, si dhe 1250 euro. Materialet i kaluan Prokurorisë pranë Gjykatës së Shkallës së Parë Kukës, për veprën penale “Prodhimi dhe shitja e narkotikëve”, kryer në bashkëpunim.
Discussion about this post