Tre armë, dy pistoleta dhe një kallashnikov janë sekuestruar mbrëmjen e sotme në Peqin nga policia.
Armët e sekuestruara dyshohet të jenë përdorur në një ngjarje kriminale që ka ndodhur në aksin Elbasan-Rrogozhinë.
Ato janë gjetur në një ambjent ku rriteshin qenë pranë burgut të Peqinit. Policia ka shoqëruar Landi Toskun, kushëriri i Kreut të Bashkisë Peqin, i shoqëruari punonjës i policisë në burgun e Peqinit.
Pritet që policia të japë detaje nëpërmjet një njoftimi zyrtar.
Sakaq theksojmë se fillimi i vitit 2022 ka shënuar një sërë ngjarjesh kriminale, atentate me armë zjarri e tritol në Vlorë e Shkodër. Deri tani vetëm atentati në Shkodër ka identifikuar një autor, ndërsa në pranga kanë rënë dy të tjerë. Atentati në Don Bosko me një viktimë e 4 të plagosur vijon të jetë pa autorë.
Discussion about this post