Një megaoperacion është zhvilluar në Itali, ku në pranga kanë rënë 42 persona, italianë, spanjollë dhe shqiptarë, mes të cilëve një person me precedent të theksuar kriminal në trafikun ndërkombëtar të drogës dhe banda mafioze.
Sipas hetimeve nga autoritetet italiane, mësohet se janë sekuestruar 6 tonë marihuanë dhe hashash të cilat janë trafikuar nga Spanja në Lombardi gjatë viteve 2019 dhe 2021. Të ardhurat e paligjshme transferoheshin me sistemin e ashtuquajtur “hawala”.
Hetimet konstatuan se grupi kriminal përdorte rrjete logjistike të gjera për furnizimin, transportin, ruajtjen dhe shpërndarjen e drogës të krijuara nëpërmjet kompanive të shumta guaskë, shkruajnë mediat fqinje.
U zbulua gjithashtu se grupi kriminal përdorte pajisje të telefonave inteligjentë me aplikacione të sofistikuara për transmetimin e koduar të komunikimeve.
Lexo edhe: Kokainë dhe kanabis në banesë, arrestohet shqiptari në Itali
Discussion about this post