Kapet një sasi drogë në kufirin greko-shqiptar. Një operacion i zhvilluar nga policia greke në Igumenicë që prej mëngjesit të djeshëm, ka zbuluar 2 çanta që përmbanin 67 pako me 72 kg 634 gram marijuanë. Sipas medieve greke, çantat janë gjetur në zonën malore pranë vaskave të peshkut në Loridha, Sajadhe të Igumenicës.
Ky nuk është rast i parë ku në Igumenicë sekuestrohen sasi të mëdha droge. Vetëm dy ditë më parë në të njëjtin vend u sekuestruan edhe 6 kg.
Operacioni ka nisur dje në mëngjes dhe vazhdon ende nga policia greke.
Dyshohet se në trafikun e drogës janë përfshirë persona të tjerë, ndërsa deri tani nuk ka ende asnjë gjurmë të tyre.
Sakaq, theksojmë se prej 1 shtatorit të këtij viti, policia greke ka kapur rreth 1.2 ton marijuanë që vinte nga Shqipëria.
Discussion about this post