Sekuestrohen makina me vlerë 90 000 euro të vjedhura nga Zvicra dhe Italia

Dy persona janë proceduar penalisht në Tiranë pasi dyshohet se kanë trafikuar në Shqipëri automjete të vjedhura, me vlerë totale rreth 90 mijë euro.

Sipas hetimeve, një automjet tip “Benz”, me vlerë rreth 80 mijë euro, i trafikuar nga shtetasi M. S., 36 vjeç, ka rezultuar i vjedhur në Zvicër.

Ndërkohë, një automjet tip “Opel”, me vlerë rreth 10 mijë euro, i trafikuar nga shtetasi E. M., 29 vjeç, ka rezultuar i vjedhur në Itali.

Materialet e çështjes janë dërguar në Prokurorinë e Tiranës, e cila do të vijojë veprimet e mëtejshme ligjore.