Sipërmarrësit me origjinë shqiptare, Gëzim Sallaku iu janë sekuestruar 5.8 milionë euro nga Guardia Di Finanza. Biznesmenit, me precedentë penalë, iu është sekuestruar vila në Sale Marasino si edhe hoteli Vila Kinzica. Ish-presidenti i klubit italian të futbollit konsiderohet një person me rrezikshmëri dhe precedentë të ndryshëm penalë.
Vendimi u mor pas disa hetimeve ndaj biznesmenit shqiptar, të të ardhurave të tij dhe pronave. Sipas hetuesve janë në disproporcion të konsiderueshëm mes standardit të jetesës së tij dhe të ardhurave të deklaruara nga i njëjti në organet tatimore.
Kujtojmë se Autoritetet italiane kanë dëbuar nga vendi sipërmarrësin Gëzim Sallaku, pas një dekreti dëbimi të lëshuar nga Selia e Policisë në Brescia. Sipërmarrësi me origjinë shqiptare Gëzim Sallaku, ish-pronar i Darfo Calcio me banim në një vilë në Sale Marasino, pronar i restoranteve dhe hoteleve në Valcamonica dhe në Liqenin Iseo, u dëbua kohë më parë nga Italia.
Policia e Brescia, në dekretin e saj e konsideronte Sallakun “person të padëshiruar dhe të i rrezikshëm”. Ai ka qenë disa herë në qendër të vëmendjes së lajmeve dhe hetimeve, pasi Sallaku në Brescia është arrestuar dhe gjykuar për vepra të llojeve të ndryshme.
Nga viti 2002, ai ka qenë i përfshirë në mashtrime në lidhje me shitjen e makinave të vjedhura dhe marrjen e makinerive të vjedhura në përdorim, por jo vetëm.
Ka gjithashtu hetime për mashtrim dhe evazion fiskal, falimentim të rremë dhe posedim të armëve të zjarrit. Gëzim Sallaku së bashku me 3 vëllezërit është arrestuar në 2018 për shitje dhe trafikim të lëndëve narkotike. Ata u arrestuan pas një operacioni anti-drogë që u finalizua me arrestimin e 22 personave. Biznesmeni Gëzim Sallaku dhe dy vëllezërit e tij, Gazmir dhe Isuf Sallaku, u liruan më pas nga burgu. Ndërsa vëllai i tretë i Gëzimit, Taulant Sallaku vijon të mbetet i burgosur nën akuzën e përfshirjes në një organizatë narkotrafikantësh dhe armëmbajtjes pa leje.
Discussion about this post