Policia ka nisur hetim ndaj dy personave të Shkodër.
Procedim penal në gjendje të lirë për shtetasin D. M., 59 vjeç, pasi ka kryer punime ndërtimi pa lejen përkatëse, në banesën e tij.
Gjithashtu procedim në gjendje të lirë ka nisur për shtetasen L. D., 39 vjeçe, pasi në dyqanin në pronësi të saj, u sekuestruan shishe me pije alkoolike të markave të ndryshme, paketa me cigare dhe qese me duhan, të dyshuara të kontrabanduara.
Njoftimi i policisë:
Specialistët për Hetimin e Krimeve të Komisariatit të Policisë Shkodër kanë referuar materialet në Prokurori ku ka nisur procedimi në gjendje të lirë për shtetasin D. M., 59 vjeç, banues në fshatin Baks i Ri, Shkodër, pasi ka kryer punime ndërtimi pa lejen përkatëse, në banesën e tij.
Specialistët për Hetimin e Krimeve Ekonomike dhe Financiare të DVP Shkodër referuan materialet në Prokurori ku nisi procedimi në gjendje të lirë për shtetasen L. D., 39 vjeçe, banuese në Shkodër, pasi në dyqanin në pronësi të saj, në sheshin “Prek Cali”, u sekuestruan shishe me pije alkolike të markave të ndryshme, paketa me cigare dhe qese me duhan, të dyshuara të kontrabanduara.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
Discussion about this post