Shkatërrohet banda italo-shqiptaro-kolumbiane! Mediat italiane shkruajnë se një kartel droge i përbërë nga siçilianë, kolumbianë dhe shqiptarë, u godit nga Guardia di Fianzia e Katanias, e cila vuri në pranga 13 persona, identiteti i të cilëve nuk bëhet ende me dije.
Operacioni ‘Cocorito’ u krye nga mbi njëqind ushtarë të komandës provinciale të Guardia di Finanza të Katanias, me bashkëpunimin dhe mbështetjen e Shërbimit Qendror të Hetimit të Krimit të Organizuar (Scico).
Sipas Drejtorisë së Qarkut Anti-Mafia të Katanias, e cila koordinonte hetimet e Njësisë së Policisë Ekonomike dhe Financiare të Policisë Financiare të kryeqytetit Etna, ‘karteli i drogës’ vepronte në qytet dhe tregtonte sasi të mëdha droge.
Konkretisht janë sekuestruar 365 kilogramë drogë, përfshirë marijuanë dhe kokainë, lëndë e cila është gjetur në banesa e godina të ndryshme ku jetonin anëtarët e kartelit.
