Sekuestrohen rreth 50 kg marijuanë në kufirin greko-shqiptar. Mediat e vendit fqinj shkruajnë se policia e Filatit, Igumenicë, ka ndaluar një mjet brenda së cilës janë gjetur e sekuestruar 3 çanta me drogë.
Sipas policisë greke, çantat përmbanin 8 pako me 48 kg 280 gram marijuanë dhe 19 pako të vogla me 1 kg 917 gram hashash çokollatë.
Në pranga ka rënë drejtuesi i mjetit, shtetas shqiptar, i cili rezulton pa patentë, ndërsa në kërkim është shpallur një shtetas grek që rezulton të ketë marrë mjetin me qera nga një kompani makinash të përdorura.
