Policia Kufitare në bashkëpunimin me Frontex kanë kapur drogë dhe lëndë eksplozive në kufirin e gjelbër në Kakavijë. Bëhet me dije se janë sekuestruar 44 kilogramë e 500 gramë kanabis, 4 kallëpë me lëndë plasëse C4, kapsolla detonatore dhe fitil zjarrpërcjellës.
Si rezultat i kontrolleve të përbashkëta, në pyllin midis fshatit Kakavijë dhe fshatit Dritë, shërbimet e Policisë kanë parë nëpërmjet dylbive, tre persona që po transportonin dy çanta në të cilat dyshohej se kishte lëndë narkotike.
Shërbimet e Policisë janë vënë në ndjekje të tyre, të cilët sapo kanë diktuar se po i ndiqte Policia, kanë braktisur çantat dhe duke përfituar edhe nga moti i keq me shi e mjegull dhe janë larguar me shpejtësi në thellësi të pyllit.
Shërbimet e Policisë kanë lajmëruar menjëherë shërbimet homologe greke dhe po vijon krehja e zonës në një perimetër të gjerë, për të bërë të mundur kapjen e tyre.
Discussion about this post