Kryetari i Partisë së Lirisë, Ilir Meta në një dalje për mediat u shpreh se vendimi për sekuestrimin e kompanisë së inceneratorit të Tiranës është i vonuar, por mbetet një lajm i mirë.
Meta tha se kjo është një aferë e krijuar nga një grup i strukturuar kriminal dhe se paratë e vjedhura duhet t’i kthehen qytetarëve.
“Pa asnjë diskutim, siç kanë treguar faktet e paraqitura nga ana jonë, kjo është kryevepra kriminale që ka ndodhur në vendin tonë dhe që është toleruar për një kohë të gjatë.
E vlerësojmë shumë të vonuar, por është një lajm pozitiv, se efektet janë atje, faktet aty kanë qenë, ajo që dua të nënvizoj është se tre çështjet, Elbasani, fieri dhe Tirana, janë një çështje. Kemi të bëjmë me një aferë të krijuar dhe ideuar nga asnjë grup i strukturuar kriminal.
Kjo është kryevepra kriminale e qeverisë në Shqipërisë, janë ndërmarrje e rilindjes me të cilën janë blerë dy palë zgjedhje dhe paratë e së cilës janë përdorur për të deformuar vullnetin e qytetarëve shqiptarë. E rëndësishme është riatdhesimi i parave të qytetarëve të Tiranës por dhe të Elbasanit e Fierit”, tha Ilir Meta.
Discussion about this post