Policia e shtetit ka reaguar në lidhje me operacionin e forcave RENEA dhe FNSH të zhvilluar në lagjen Kiras në Shkodër këtë të hënë. Përmes një deklarate për media, policia bën me dije se janë arrestuar P. K., 52 vjeç, dhe djali i tij, 20 vjeç. Gjithashtu u procedua penalisht në gjendje të lirë për shkak të moshës dhe djali tjetër i familjes, G. K., 16 vjeç.
Në banesën e tyre u sekuestruan 3 mina me telekomandë, të lidhura me telefon, 8 kallëpe tritoli C4, gati për përdorim, me peshë totale 1 kilogramë e 600 gramë, kapsolla detonatore të lidhura me tela, 1 armë gjahu (shotgun) me 2 gjerdanë dhe 50 fishekë, 1 radio si ato të Policisë, 1 aparat për bllokimin e valëve, 3 aparate celulare dhe 1 armë sportive.
Dyshohet se municioni shpërthyes do të përdorej në ngjarje kriminale për aktivitetin e paligjshëm të këtyre grupeve. Sipas njoftimit, armët e sekuestruara do të dërgohen për tu ekzaminuar nëse janë përdorur në ngjarje të kronikës së zezë.
Discussion about this post