Fatos Alimadhi 54-vjeç me detyrë si përmbarues privat është arrestuar sot nga policia Tiranë. Alimadhi i cili rezulton se është edhe vëllai i ish-deputetit Adriatik Alimadhi, gjatë ushtrimit të funksionit si përmbarues privat, duke shpërdoruar detyrën, ka firmosur shkresa dhe vendime për sekuestro për bllokimin e llogarive rrjedhëse të një subjekti privat, pa e njoftuar këtë subjekt.
Pra ka bllokuar llogaritë e një biznesi pa lajmëruar pronarin e subjektit. Një shtetas ka marrë kredi në emër të një subjekti dhe pas disa kohësh ka ndërruar jetë. Sipas ligjit në momentin që ndërron jetë personi që ka marrë kredinë e mbulon siguracioni i jetës. Por përmbaruesi Fatos Alimadhi, vëllai i ish deputetit Adriatik Alimadhi, i bllokoi llogaritë familjarëve të të ndjerit pa i lajmërua
Arrestimi i 54-vjeçarit është bërë në kuadër të operacionit të koduar “Account” dhe pritet të japë llogari për veprën penale “Shpërdorimi i detyrës”.
Gjithashtu, në kuadër të këtij operacioni, janë vënë në hetim personat e identifikuar me iniciale S. D., dhe P. Q., po ashtu me detyrë përmbarues privat, për veprën penale “Shpërdorimi i detyrës”.
Pritet të zbardhen detaje pas marrjes në pyetje të të arrestuarit, pasi dyshohet se mund të ketë persona të tjerë të përfshirë.
Materialet i kaluan Prokurorisë pranë Gjykatës së Rrethit Gjyqësor Tiranë, për veprime të mëtejshme procedurale.
Discussion about this post