Selisë së Partisë Demokratike në Fier i është ndërruar brava e derës ditën e sotme. Lidhur me këtë situatë ka reaguar sekretari i degës së Partisë Demokratike në Fier, Emiljano Mone. Ai reagoi për herë të parë pas daljes së tij nga policia e Fierit, ku më parë ishte pranë prokurorisë së Fierit. Mone u shpreh se nuk ka dijeni kush mund të ketë ndërruar bravën e derës së selisë në këtë degë, teksa gjithashtu tha se ndodhen në një situatë që ende nuk di se si do të zgjidhet. Lidhur me firmat e delegatëve të PD-së në degën që ai përfaqëson, sekretari i PD-së në Fier, u shpreh se për Kuvendin Kombëtar të 11 dhjetorit, të thirrur nga ish-kryeministri Sali Berisha, kanë firmosur 550 delegatë nga 630-640 të tillë që ka në total kjo degë.
“Gati 550 delegatë të Kuvendit kanë firmosur për Kuvendin e 11 dhjetorit, nga 630-640 delegatë që ka dega e Fierit. Vetëm ata që janë në emigracion nuk kanë firmosur”, u shpreh ai.
Mone u shpreh se demokratët e kësaj dege kanë qenë të bashkuar gjatë këtyre viteve, duke dhënë kontributin e tyre brenda partisë, ndaj vendosja e dy datave për Kuvendin Kombëtar të PD-së, ai e cilësoi si një kontraditë në të cilën po futen demokratët, duke nënvizuar se janë tradhëtuar.
“Jemi me të drejtën jemi me mbrojtjen e kontributeve, protestave që kemi bërë gjatë këtyre 8 viteve.”, u shpreh ai.
Në degën e PD në Fier në tetor të këtij viti u emërua Agron Kapllanaj, porst që vazhdonte ta ushtronte Luan Baçi, i cili është shfaqur dhe në foltoren e Sali Berishës, duke krijuar mjaft polemika.
Discussion about this post