Mbrëmjen e së martës ka nisur “Big Brother VIP”, ku në shtëpinë më të famshme të Shqipërisë janë bërë pjesë edhe dy këngëtaret, Fifi dhe Semi Jaupaj.
Nuk kanë kaluar ende shumë ditë dhe vip-at tanë po përpiqen të krijojnë një ambient intim edhe pse përballë kamerave. Së fundmi, gjatë një bisede për familjarët e tyre, Semi dhe Fifi janë përlotur teksa kanë treguar se i ka marrë malli që tani për ta.
“Kam ndenjur shumë me ta. Sidomos këtë vit. Që kur lindi motra jemi afruar shumë më shumë”, tha Fifi, ndërsa Semi rrëfeu se familjarët e saj janë në Kanada.
“Mbesën 3-vjeçare nuk e kam parë kurrë, veç në kamer”, u shpreh ajo.
Fifi dhe Semi njihen tashmë nga publiku shqiptar, si këngëtare me emër. Ato gjithashtu kanë konkurruar të dyja në festivalin “Kënga Magjike 2021” dhe këngët e tyre u pritën shumë mirë nga fansat .
