Semi flet për Donaldin: Një prej kujtimeve më të bukura në shtëpi, por…

Semi Jaupaj ka folur mbrëmjen e sotme për Donald Veshajn.
E ftuar në “Fun Club”, Semi tha se di ta ndaj Donaldin si lojtar, pavarësisht se nuk është dakord me çfarë ai ka bërë në shtëpin e famshme.
“Nuk jam dakort me diçka që Donaldi ka bërë dhe kjo dihet se kam përjetuar emocionalisht padyshim. Por di të ndajë gjithmonë për të mos thënë shpeshherë Donaldin si lojtar. Padyshim që e kam vlerësuar Donaldin si lojtar. Për mendimin tim lidhet pak ngushtë një fitues me gjëra që mund të kenë bërë, që nuk më kanë pëlqyer. Siç edhe themi për konkurentët që kanë dal se çfarë e ka penalizuar, kjo apo kjo”, tha Jaupaj.
Kujtojmë që pasditen e sotme, Semi publikoi këngën “Mos u kthe” në bashkëpunim me Yllin Limanin.
Artistja i këndon një historie dashurie që ka përfunduar dhe ajo nuk e kërkon më.
“Emrin tim thuaje sot, merre dhe shkele në tokë, nuk më paske dash më së shumti në botë
A e din si është mos me u zgju dhe mos me u gzu që je gjallë
Mos u kthe, nisu dhe shko te zemra tjetër që të pret,
mos u kthe te unë se shumë më mirë pa ty jam vetë”, janë disa nga vargjet e baladës.
Teksa lëviz në një dhomë të zbrazur, Semi merr në dorë një arush që qëndronte në tokë. Arushi është i njëjti me atë që banorja i kishte dhuruar Donaldin, por pasi doli nga shtëpia e “Big Brother VIP” i kërkoi t’ia kthente.
Artistja ka qenë mike e Donaldit, kur ky i fundit nisi një romancën me shoqen e ngushtë të Semit, moderatoren Bora Zemani.
Por pasi aktori i humorit la pas të shkuarën dhe nisi një histori me këngëtaren Beatrix Ramosaj në shtëpinë e “Big Brother VIP” miqësia mes tyre duket se ka mbaruar.
Kënga është vendosur dhe në “Big Brother VIP”. Donaldi e ka dëgjuar në prani të Ilirit dhe Beniadës. Iliri dhe Beniada nuk i kanë mbajtur dot të qeshurat dhe i kanë hedhur Donaldit shikime duke nënkuptuar se i dedikohet atij. “Shko te zemra tjetër që po të pret se më mirë pa ty jam vetë”, i ka thënë Iliri. Aktori fillimisht është prerë ndërsa më pas është shprehur “Shumë e bukur është”.

Beniada: Shumë e bukur po içik e trishtë