Semi nuk e lë më kaq, tjetër sinjal për Donaldin (Foto)

Semi dhe Donaldi, kanë qenë padiskutim 2 ndër miqtë më të mirë të cilët e kanë mbrojtur njëri-tjetrin dhe i kanë qëndruar pranë në çdo situatë brenda shtëpisë së “Big Brother Vip”.

Mirëpo kjo miqësi është tashmë një kujtim për ta pas lidhjes që aktori krijojë brenda me Beatrixin. Ky veprim bëri që Semi ta hiqte nga Instagrami dhe t’i jepte fund miqësisë që kishin, pasi në mes ishte përfshirë dhe Moderatorja Bora Zemani e cila është ish e dashura e Donaldit.

Semi ka bërë së fundmi një postim i cili ka krijuar disa polemika dhe ndjekësit po e lidhin me Donaldin.

Ajo ka postuar dy foto në Instagram nga një natë me shi duke shkruar: “Kush e do shiun?”. Kaq ka mjaftuar që ndjekësit të shpërthejnë në komente.

Për ata që nuk e dinë Donaldi e ka thënë shpeshherë në “Big Brother VIP” se është një njeri që e ka shumë qejf shiun. Madje, ai dhe Fifi bënë një tatuazh njësoj në të cilin shkruhet “filoqyl”. Kjo fjalë nënkupton lutjen për qiellin që të bjerë shi.

Dhe është pikërisht fakti që aktori e do shiu, që ndjekësit të mendojnë se postimi i Semit lidhet me të. Një komentuese shkruan: “E ka thënë Donaldi në Big Brother që përshëndes të gjithë ata që duan shiun.” Ndërkohë një tjetër: “Për Donaldin e ke”. Teksa me dhjetëra të tjerë përmendin Donaldin dhe Borën. Këngëtarja nuk i ka kthyer përgjigje asnjërit por po ashtu as nuk i ka fshirë.