Presidentja e Kosovës, Vjosa Osmani dhe kryeministri Albin Kurti kanë marrë një letër falënderimi nga anëtaret e senatit amerikan, Jeanne Shaheen dhe Meggie Hassan dhe kongresistët Annie Kuster e Chris Pappas.
Letra e cila është publikuar nga presidentja Osmani në Tëitter, anëtarët e senatit kanë falënderuar shtetin e Kosovës, që ka strehuar refugjatët afganë.
Në këtë letër thuhet se gatishmëria e Kosovës për të pritur afganët deri në përfundim të procesit të verifikimit, ka forcuar sigurinë kombëtare të Shteteve të Bashkuara të Amerikës.
“Gatishmëria e Kosovës për të pritur afganët ka forcuar sigurinë kombëtare të SHBA-së duke lejuar të përfundojë një proces rigoroz verifikimi përpara se afganët të mbërrijnë në Shtetet e Bashkuara” – thuhet ndër të tjera në letër.
Më tej ata kanë shtuar se mbështetja që ka dhënë Kosova në këtë aspekt nuk do të harrohet. Presidentja Osmani, ka falënderuar kongresistët dhe senatorët, duke shtuar se SHBA-ja mund të llogarisë në mbështetjen e Kosovës edhe në të ardhmen.
“Senatorë Jeanne Shaheen, Maggie Hassan, Annie Kuster, Chris Pappas ju faleminderit për letrën dhe vlerësimin tuaj. Republika e Kosovës dhe Shtetet e Bashkuara janë të lidhura me vlerat e qëllimet e përbashkëta. SHBA mund të llogarisë në mbështetjen tonë në të ardhmen. Më të fortë së bashku” – shkruan Osmani.
Discussion about this post