Senatorja amerikane, Joni Ernst në një intervistë është shprehur se lufta kundër korrupsionit është e rëndësishme, ngado që ajo mund të vijë.Me këtë fjali Ernst i është referuar çështjes ‘non-grata’ nga SHBA e ish-kryeministrit Sali Berisha.Senatroja amerikane theksoi, gjithashtu se në këtë pikë partitë politike duhet të bashkëpunojnë në të mirë të shqiptarëve.
“Edhe ne kemi ndasitë tona politike, por në SHBA kemi gjetur rrugë për të bashkëpunuar e kapërcyer ndasitë dhe është e rëndësishme për të gjetur atë çka na bashkon si një komb, si parti politike, se sa të vazhdojmë përçarjen. Unë inkurajoj këtë si një zgjidhje që vjen nga Shtetet e Bashkuara. Gjithashtu, është shumë e rëndësishme për të luftuar korrupsionin, kudo që ai mund të vijë. Ne jemi totalisht kundër korrupsionit, por partitë politike duhet gjithashtu të gjejnë mënyra për të bashkëpunuar në të mirë të Shqipërisë.”
Lidhur me sigurinë e stabilitetit në Rajon, senatorja amerikane theksoi se Kosova dhe Bosnja duhet të bashkëpunojnë ngushtësisht me Shtete e Bashkuara të Amerikës, pasi kjo është e vetmja formë për të vijuar përpara.
“Unë mendoj se është shumë e rëndësishme që Bosnja apo Kosova të vijojnë të bashkëpunojnë me Shtetet e Bashkuara të Amerikës. Unë jam shumë e njohur me Kosovën. Vendlindja ime Ioëa është në një program bashkëpunimi midis Gardës Kombëtare të Ioëa dhe Kosovës. Dhe duke vijuar këto bashkëpunime, ne mund të gjejmë një rrugë për të vijuar përpara.”
Ernst nënvizoi se Bosnje duhet të kundërpërgjigjet ndaj influencave të papërshtatshme që vijnë nga jashtë, duke iu referuar Rusisë dhe Serbisë, pasi bashkëpunimi me SHBA-në për vendet e Ballkanit Perëndimor është i vetmi që iu nevojitet.
“ Gjithashtu, është e rëndësishme për Bosnjen që të kundërpërgjigjet ndaj influencave të papërshtatshme që vijnë nga Rusia apo nga Serbia apo vende të tjera. Por, është shumë e rëndësishme që këto vende të vijojnë bashkëpunimin me Shtetet e Bashkuara të Amerikës, në mënyrë që të vijojmë përpara. Ne do të vazhdojmë të bashkëpunojmë nëpërmjet NATO-s dhe në Kombet e Bashkuara do ta gjejnë rrugën për të vijuar përpara me aleatët tanë në Ballkan.”
Senatorja Ernst vlerësoi partneritetin tonë me SHBA-në dhe falënderoi Shqipërinë për strehimin e afganëve, teksa bëri me dije se po punohet për të zhvendosur afganët në SHBA.
“Shqipëria është një partner tepër i mirë i Shteteve të Bashkuara dhe u jemi mirënjohës që qeveria juaj dhe populli shqiptar u doli zot që t’i mirëpresë këto refugjatë për t’i strehuar dhe ushqyer. Dhe ne jemi shumë mirënjohës. Por, shpresojmë që t’i zhvendosim afganët drejt SHBA-së sa më shpejt të jetë e mundur.”
Discussion about this post