Tre ambiente si sera ishin përshtatur për të kultivuar kanabis në pyllin e fshatit Katerlis, njësia administrative Tunje, Gramsh. Policia thotë se u gjetën të kultivuar 792 fidanë të dyshuar narkotikë cannabis sativa.
Në pranga ranë Sokol Beshiri, 28 vjeç, Vullnet Myrteli,56 vjeç, të dy banues në Dimal,dhe Lorjan Goga, 30 vjeç. Vijon puna për kapjen e 2 shtetasve të tjerë të implikuar në këtë veprimtari kriminale.
Sokol Beshiri dhe Vullnet Myrteli janë kapur në flagrancë në njërën nga serat, shtetasi Lorjan Goga është kapur në bashkëpunim me shërbimet e Policisë Kuçovë, informoi sot policia e Elbasanit.
Sokol Beshiri dhe Vullnet Myrteli akuzohen për “Kultivimi i bimëve narkotike”, kryer në bashkëpunim
Ndërsa Lorjan Goga për veprat penale “Kultivimi i bimëve narkotike”, kryer në bashkëpunim dhe “Veprime që pengojnë zbulimin e së vërtetës”
Gjithashtu, procedohen në gjendje të lirë, për shpërdorim të detyrës, kryeplaku i fshatit Katerlis, S. Ll., 61 vjeç dhe inxhinieri i mjedisit, Xh. M., 32 vjeç
Operacioni u kodua “Katerlisi’.
Discussion about this post