Pas përshkallëzimit të situatës në veri të Kosovës, ish-kryeministri Ramush Haradinaj ka reaguar përmes një postimi në Facebook. Haradinaj shkruan se vendosja e reciprocitetit me Serbinë është e drejtë dhe e ligjshme bazuar në ligjet vendore dhe ato ndërkombëtare.
Më tej, ai u bën thirrje qytetarëve serbë në veri të Kosovës që të përmbahen dhe të respektojnë ligjin.
“Të dashur qytetarë të Kosovës,
Vendimi për vendosjen e reciprocitetit me Serbinë është i drejtë dhe i ligjshëm edhe në bazë të ligjeve vendore, por edhe atyre ndërkombëtare.
Mbështesim institucionet e vendit, organet e rendit dhe sigurisë, për zbatimin e këtij vendimi të drejtë e të ligjshëm.
Bëjmë thirrje që qytetarët serb në veri të vendit, të përmbahen dhe të ruajnë qetësinë, rendin e ligjin.”-shkruan Haradinaj.
Discussion about this post