Mbrëmjen e djeshme targat e disa makinave të qytetarëve të Mitrovicës së Veriut u mbuluan me letra ngjitëse. Por disa persona të panjohur, simbolet e Kosovës i mbuluan me letër që kishte mbishkrimin SRB KM, duke i bërë të duken si targa të lëshuara nga autoritetet e Serbisë, po që në Kosovë konsiderohen ilegale.
Mëngjesin e sotëm Policia e Kosovës u njoftua nga qytetarët, disa prej të cilëve ishin serbë, që targat e makinave të tyre kanë letra ngjitëse. Deri më tani policia nuk ka të dyshuar për veprën edhe pse shton se janë duke e hetuar.
Ndërkohë prokuroria njofton se do të bashkëpunojë më policinë e Kosovës për të gjetur përgjegjësit dhe motivin. Qeveria e Kosovës ka marrë vendim të ndalojë qarkullimin me targat ilegale KM e qytetarëve serbë të veriut dhe u ka dhënë afat prej 1 gushtit deri më 30 shtator të ndërrojnë targat nga ato KM në RKS.
Discussion about this post