Kryetari i Partisë Demokratike, Sali Berisha ka dënuar deklaratën e kreut të qeverisë Edi Rama në Athinë duke theksuar se ai është një njeri i papërgjegjshëm që kalon në një mashtrim madhor dhe historik duke deklaruar se shqiptarët dhe serbët janë kushërinj.
Berisha u shpreh se në asnjë përkatësi nuk vërtetohet kjo gjë ndërsa shtoi se 14 Maji është dita e vendimit pa kthim për largimin e Edi Ramës nga skena politike.
“Sot këtu dënoj me forcën më të madhe deklaratën në Athinë anti-shqiptare të Edi Ramës. Për herë të parë në të gjithë historinë e Shqipërisë, Ballkanit, Europës dhe botës, një njeri i papërgjegjshëm kalon në një mashtrim madhor historik, deklaron se shqiptarët dhe serbët janë kushërinj.
Arrin të shkelmojë qindra mijëra të vrarë nga barbaritë serbe. Të quajë genocidet serbe si krime mes kushërinjve. Më anti-shqiptarë se kjo nuk bëhet, kërkon të legjitimojë çdo pretendim serb në territoret shqiptare. Kërkon të vendosë në harresë të gjitha barbaritë serbe, shkelmon historinë dhe të vërtetën. Shkelmon çdo gjë me një formulë të dhënë nga Beogradi.
Ku e bazon? Vetëm në vasalitetin, në asgjë tjetër. Në asnjë përkatësi shqiptarët dhe serbët nuk janë kushërinj. Shqiptarët janë këtu që kur është krijuar kjo tokë. 14 Maji është dita e vendimit pa kthim për largimin e Edi Ramës nga skena politike si hajduti dhe qeveritari që vodhi më shumë shqiptarët në historinë e tyre”, deklaroi ai.
Discussion about this post