Autobus të shumtë të mbushur me serb të cilët duan të votojnë në referendumin e Serbisë për ndryshime kushtetuese, janë nisur nga veriu i Mitrovicës drejt Serbisë, duke shkaktuar radhë të gjatë në pikat kufitare në Jarinje dhe Merdare. Ata do të mund të ushtrojnë vullnetin e tyrë në qendrat e votimit në Kurshumli, Novi Pazar, Rashkë e Vranjë.
Si pasojë e këtyre lëvizjeve në kufi, bazuar në të dhënat zyrtare mësohet se në këto pika ku ka fluks nga autobusët me të cilët shtetasit serb po udhëtojnë, radha është e gjatë nga 100 deri në 200 metra, kurse pritjet janë 15 deri në 60 minuta.
Shtetasit serb gjithashtu mbajtën një tubim paqësor si simbolik e kundërshtimit në mënyrë kategorike të kryeministrit Albin Kurti për mbajtjen e referendumit në shtetin e Kosovës. Kurti sugjeroi që votimi të kryhej me postë, ndërsa ditën e djeshme në Kuvendin e Kosovës u miratua rezoluta që shpreh kundërshtimin e mbajtjes së referendumit të qeverisë serbe në shtetin e Kosovës.
Discussion about this post