Sergio Ramos i kërkon falje tifozëve të PSG: Sot është një ditë e re për të mësuar

Sergio Ramos iu rikthye zakonit të vjetër dhe në ndeshjen e fundit të PSG ndaj Lorient, ku mori kartonin e parë të kuq me francezët.

Ai hyri në fushën e lojës nee vend të Nuno Mendes në fillim të pjesës së dytë dhe në mes të minutave 81’ dhe 86’ ai mori dy kartonë të verdhë duke e përfunduar ndeshjen para kohe.

Me anë të një postimi në rrjetet sociale, ish-kapiteni madrilen i ka kërkuar falje tifozëve të PSG-së dhe ka thënë se është një ditë e re për të mësuar.

“Sot është një ditë e re për të mësuar. Nesër është një ditë e re për t’u përmirësuar. Gjithmonë shohim para”, shkruan Ramos.

Pavarësisht hapit fals ndaj Lorient, PSG mbetet ende në krye të renditjes me 46 pikë, 13 më shumë se Nice e vendit të dytë dhe Marseille e vendit të tretë, që ka një ndeshje më pak.