Fundi i ndeshjes mes Napolit dhe Romës ishte tejmase i ndezur me trajnerin Massimiliano Allegrin që nuk i mbajti nervat pas ndëshkimit me karton të kuq nga arbitri Sacchi.
‘Për herë të parë pas 25 vitesh nuk jam në gjendje që të komentoj ndeshjen-ishin fjalët e Allegrit pas ndeshjes teksa komentoi kartonin e kuq të dhënë ndaj tij. Arsyet janë…3; trajneri toskan sipas dëshmive nga zona anësore e fushës dhe medias që ishte e pranishme aty e kishte inatin pak me të gjithë nga Gasperini, te arbitri Sacchi e deri te vetë klubi i Romës.
‘Il Mattino’ shkruan se Allegri u zemërua me arbitrin pasi la Gasperinin të mos respektonte zonën teknike. ‘Ty të lejojnë gjithçka, ti bën rrëmujë dhe më përjashtojnë mua’-mësohet t’i ketë thenë Allegri trajnerit të verdhekuqve, me Gasperinin që deklaroi: ‘Ishte nervoz, shpresoj të mos ketë qenë i zemëruar me mua’.
Por jo vetëm kaq, trajneri livornes pas përfundimit të intervistës së tij pas ndeshjes, iu drejtua medias duke thënë këtë frazë: ‘Vitin e kaluar ia vunë në xhep Championsin Romës dhe e pagova unë me Milanin’. Fjalë këto që u dëgjuan në të gjithë sallën e konferencave që ndahej prej tij nga vetëm një mur. Me këtë frazë, Allegri iu referua fundit të sezonit të kaluar, me Milanin që u rendit në vendin e pestë dhe Roma u pozicionua mes 4 më të mirëve, por nuk është e qartë se cili ishte episodi konkret për të cilin fliste trajneri toskan.
Napoletanët shënuan dy herë me Anguissa dhe McTominay, duke bërë të mendohej se gjërat do të ishin të thjeshta.
gijotina.com/
Discussion about this post