Juventus ka përpara një rrugë për të hyrë në zonën Champions gjatë së cilës duhet të jetë thuajse perfekt. Luciano Spalletti nuk kërkon justifikime dhe i ka të qarta objektivat e tij dhe të klubit torinez në këtë fazë finale të sezonit.
‘Tani është një moment shumë i rëndësishëm sepse janë këto ndeshje, si i thonë, 8 finale-tha Spalletti-por për Juventusin është diçka normale që të luajë këto lloj ndeshjesh. Gjithmonë kështu ka qenë dhe kështu do të jetë, kështu që duhet të jemi gati e të japim maksimumun, kemi shumë pak hapësira për të bërë llogaritë për klasifikimin sepse duhet të fitojmë thuajse të gjitha ndeshjet për të qenë në Champions’
Padyshim që Spalletti foli edhe për dështimin e Italisë për t’u kualifikuar në Botërorin e kësaj vere, me trajnerin toskan që ishte në stolin e Të Kaltërve në fillimin e kualifikueseve të këtij kompeticioni.
‘I njoh të gjithë dhe e di sesa dashuri dhe pasion kanë dhënë-vijoi Spalletti-më vjen keq për atë që ndodhi, por më vjen mirë të shtoj se tani kjo është mirë për të përë reflektimet e duhura në një moment ku të gjithë japin çdo lloj këshille. Tani duhet bërë programim në mënyrë korrekte dhe të duhur, ndoshta nesër do të mendojmë të arrijmë rezultat me skuadrën tone dhe do të lëmë mënjanë kombëtare. Duhet të pyesim veten nëse na intereson vërtet t’u japim vlerë talenteve. Tashmë në Itali, shumë klube janë me pronarë të huaj dhe na vjen mirë, por duhet të pyesim nëse e kanë për zemër t’u japin vlerë talenteve italiane. Është diçka korrekte të shohësh e të marrësh më të mirën nga vendet e tjera. Do të jetë e nevojshme të marrësh vendime të mira dhe të bësh një programim korrekt. Unë mendoj gjithnjë se ka akoma nëna si ato të Baggio, Totti, Del Piero e Cannavaro dhe do të jetë e nevojshme që të dish të përdorësh talentin që do të sjellin nënat e tjera’
Përsa i përket rinovimit të kontratës së tij, Spalletti është shfaqur i qetë.
‘Nuk arrij të kuptoj se përse e keni kaq për zemër këtë gjë-tha Spalletti-Nga këndvështrimi i raporteve, gjithçka është e rregullt dhe prioritetet duhet të shkojnë te ndeshja me Genoan. Në ditët e ardhshme do të jetë mundësia për këtë dhe nuk është e nevojshme që kjo të ndodhë në 1 orë me çdo kusht. Kjo është një gjë që duhet të vijë në mënyre natyrale’
gijotina.com/
Discussion about this post