Romës së Mourinho-s i ka mjaftuar një penallti e kthyer në gol nga kapiteni Pellegrini për ta nisur me 3 pikë vitin 2023 në Serie A. Kryeqytetasit mposht minimalisht Bologna-n, e cila u tregua e pafuqishme për të reaguar pas golit të shënuar që në minutën e gjashtë.
Ndërkohë, skuadra e Lazio-s u mposht në transfertë nga Lecce 2-1 edhe pse ishte e para që kaloi në avantazh. Immobile realizoi në minutën e 14, por dy gola në pjesën e dytë nga Strefezza dhe Colombo përmbysën gjithçka, duke i dhënë Lecce-s 3 pikë të artë për objektivin e saj që është mbijetesa mes më të mirëve në Serie A.
Në ndeshjet e tjera të luajtura më herët këtë të mërkurë në Serie A, Milani mori tre pikët në transfertë ndaj Salernitanës duke fituar 2-1, Sassuolo-Sampdoria u mbyll 1-2, ndërsa Torino-Verona dhe Spezia-Atalanta y mbyllën në barazim.
Discussion about this post