Serie A e futbollit në Itali vijoi këtë të dielë me ditën e dytë të ndeshjeve të raundit të katërt, aty ku Interi lëshoi kreun pas barazimit 1-1 në fushën e Monzas. Gjithçka nisi në mesditë, me Genoan që barazoi 1-1 me Romën. Ndërkohë që Atalanta fitoi 3-2 me përmbysje kundër Fiorentinës. Torino dhe Leçe barazuan 0-0, teksa për miqtë Medon Berisha ishte më i miri në fushë. Napoli ia doli të merrte pikët e plota me “poker” duke mundur 0-4 Cagliarin.
Kampionët në fuqi të Italisë barazuan 1-1 në “Brianteo” kundër Monzës. Nga fillimi këtë duel për zikaltërit e nisi edhe Kristjan Asllani, mesfushori i Kombëtares që u zëvendësua në minutën e 74. Ishte Monza që zhbllokoi ndeshjen me Mota në minutën e 81, para se Dumfries të barazonte gjithçka dy minuta nga fundi. Inter u duk se e kishte mendjen në Champions League, teksa në mesjavë gjejnë Man. Cityn dhe më pas Milanin në kampionat. Tanimë Napoli kryeson renditjen e Serie A me nëntë pikë, një më shumë se Inter dhe Juventus.
Discussion about this post