Në “Ferraris” të Genoas vendasit u mposhtën 1-2 nga Napoli. Me këtë sukses djemtë e Contes rikthehen në krye të Serie A, të paktën përkohësisht derisa Atalanta të zhvillojë ndeshjen e saj kundër Empolit (e diel). Përballja nisi mirë për miqtë që gjetën golin e parë pas 15 minutash. Asistimi i Neres bëri që Anguissa të kalonte napoletanët në avantazh.
Për të siguruar suksesin mendoi Amir Rrahmani që me kokë shënoi golin e dytë në minutën e 23. Paçka se Pinamonti për vendasit shënoi golin që hapi ndeshjen në fillimin e pjesës së dytë, fati i buzëqeshi Napolit që me 38 pikë merr kreun e Serie A, duke lënë me një pikë më pak bergamaskët e Gasperinit.
Në Torino vendasit humbën 0-2 nga Bologna. Sfida ishte me ritëm dhe raste, aty ku miqtë u treguan më këmbëngulës. Castro në minutën e tetë humbi penallti për Bolognan. Golat për miqtë u shënuan nga Dallinga në minutën e 71 dhe Pobega në të 80 minutë. Me 28 pikë Bologna barazon Juventusin në renditje, ndërsa Torino me 19 pikë ndodhet në pozitën e 11-të. Ndërkohë mbrojtësi polak i Torinos, Sebastian Walukiewicz trembi tifozët kur u rrëzua në fushë pa kontakt me lojën. Stafi i Torinos i erdhi menjëherë në ndihmë dhe pas kontrollit në dhomën mjekësore bëhet me dije se ka një problem të lehtë, pasi dy ditë më parë ka qenë me temperaturë. Vendin e tij e zuri Vojvoda.
Serie A, raundi 17-të:
E shtunë, 21 dhjetor 2024
15:00 Torino 0-2 Bologna
18:00 Genoa 1-2 Napoli
20:45 Leçe – Lazio
Renditja:
gijotina.com/
Discussion about this post