Java e 26 e kampionatit italian ka nisur me blofe. Lacio dhe Bolonja, dy ekipe pretendente për zonën Champions në Serinë A, janë ndalur ndaj kundërshtarëve në letër dukshëm më të dobët.
Ekipi i Hysajt, i cili mungon për shkak dëmtimi, nuk shkoi më shumë se barazimi 0-0 në transfertë ndaj Venecias.
Ndërkohë, Bolonja që renditet në vendin e 8 u mposht 2-0 në transfertën e Parmës.
Golat u shënuan nga Boni me penallti në të 37-ën dhe Sohm në të 78-ën.
Më vonë gjatë ditës, Milani u mund në transfertë nga Torino 2-1.
Një autogol qesharak i Thiaw në minutën e 5-të dhe një gol i shënuar nga Gineitis në minutën e 76-të, i dhanë suksesin vendasve.
Goli i Reijnders në minutën e 74-t, ishte i pamjaftueshëm për Milanin. Kuqezinjtë mbeten në vendin e shtatë me 41 pikë dhe zona Champions duket gjithnjë dhe më e vështirë.
Discussion about this post