Lazio ka triumfuar me një gol të realizuar nga talenti 17-vjeçar Luka Romero ndaj Monzës.
Skuadra e Sarrit vuajti përballë Monzës, madje pësoi edhe një gol në fillimin e ndeshjes nga Petagna. Por, më pas u anulua për pozicion jashtë loje.
Megjithatë, ky është një takim, të cilin talenti Luka Romero me gjasë nuk do ta harrojë kurrë.
I aktivizuar pak minuta nga Sarri në ndeshjet e fundit, ai u fut si zëvendësues në pjesën e dytë në këtë ndeshje. Të cilën e vendosi pikërisht goli i tij i parë në Serie A.
Me këtë fitore, Lazio shkon në kuotën e 30 pikëve, po aq sa Milani, por me një golavarazh më të mirë, 8 pikë nga Napoli i vendit të parë.
Discussion about this post