Nedim Bajrami dhe Marash Kumbulla janë dy nga legjionarët më të lakuar në Serie A. I pari është rikthyer në nivelin e tij më të mirë, paraqitjet e fundit kanë bërë që për që për fantazistin kuqezi të nis një garë mes disa klubeve të ndryshme italiane që e vlerësojnë si një investim me peshë dhe afatgjatë. Sassuolo ka fituar shumë kuota së fundmi pasi në skenë ka dalë dhe ish trajneri i tij, Dionsi.
Verdhezinjtë i rezervojnë zbulimit të Edy Reja një fanellë titullari dhe një rol si protagonist, për momentin shihen favoritë për vetë insistim e tyre. Jo vetëm Sassuolo, Bajrami ka përfunduar edhe në radarët e Cagliari, skuadër që ashtu si Sassuolo, edhe më herët janë interesuar për të siguruat shërbimet e fantazisit të Empolit.
Ofertat për të nuk mungojnë por mbetet për tu parë se çfarë do të vendos, dëshira e lojtarit është të vijoj me Empolin, të paktën deri në përfundim të sezonit. Pak më ndryshe është situata me Marash Kumbulla. Qendërmbrojtësi kuqezi e ka të vështirë të gjejë hapësira tek Roma, ky është një fakt që vështirë se mund të ndryshojë me Mourinho në stol, për këtë arsye Kumbulla mund të ndryshojë ambient.
Së fundmi, përveç Napolit, interes për futbollistin shqiptar ka shfaqur edhe ekipi i Fiorenties. Në vendnumëro mbetet situata me Thomas Strakosha, në tavolinë mbetet oferta e Igli Tarës për të rinovuar kontratën e tij aktuale e cila skadon në fund të këtij sezoni, por dëshira e portierit shqiptar është të nis një aventurë të re jashtë Italisë.
Discussion about this post