Italia dhe konkretisht kampionati i Seria A për sezonin e ardhshëm do përfaqësohet me 5 skuadra në “Champions League”. Kjo pasi kampionati elitar italian, falë ecurisë së ekipeve këtë sezon në Kupat e Europës, ka arritur të sigurojë matematikisht pikët e nevojshme për të qenë 1 mes 2 kampionateve që sezonin e ardhshëm do luajnë me 5 skuadra në Champions League.
Ky zgjerim vjen për shkak se sezonin e ardhshëm do ndryshojë struktura e Champions League ku nuk do jenë më 32 skuadra pjesëmarrëse, por 36.
Shumë pranë Seria A, për të siguruar pjesëmarrjen me 5 ekipe sezonin e ardhshëm në Champions, është edhe Bundesliga gjermane.
Për t’u veçuar edhe fakti se ekziston mundësia që Seria A të përfaqësohet me 6 ekipe. Nëse Roma apo Atalanta fitojnë Europa League dhe nuk janë në top 5-shen e kampionatit atëherë numri i ekipeve italiane për sezonin e ardhshëm në Champions League do shkonte në 6.
Discussion about this post