Një tjetër aksident është shënuar ditën e sotme në minierën e Bulqizës.
Një 55-vjeçar ka pësuar dëmtime gjatë punës në galeri.
Mësohet se 54-vjeçari A.Ç ka pësuar dëmtime në pjesën e poshtme të trupit.
Ai është dërguar në spitalin e Bulqizës për të marrë ndihmë mjekësore.
Kujtojmë se vetëm pak ditë më parë një aksident në galerinë e Bulqizës la ta bllokuar pothuajse për një javë minatorin Muharrem Plaku. U raportua se minatori u përpoq që të fshihej brenda një godine që ishte ndërtuar brenda minierës për të shpëtuar, mirëpo as ajo nuk e shpëtoi dot nga vdekja.
Ekspertiza mjekoligjore për minatorin, i cili humbi jetën në minierën e Bulqizës tregon se shkak i vdekjes ishte mungesa e oksigjenit. Raporti mjekoligjor tregon se nga bllokimi në atë thellësi ka pasur mungesë oksigjeni dhe si pasojë minatori është asfiksuar.
Pas ekspertizës së kryer trupi i pa jetë i 60- vjeçarit u është dhënë familjarëve për të kryer ritet e fundit mortore.
Për ngjarjen janë arrestuar Inxhinieri teknik Veli Losha, si dhe përgjegjësi i punimeve të galerisë ku ndodhi aksidenti Saba Hasani.
