Sërish anullime në Premier Liga, Everton – Leicester është sfida e radhës që nuk do të luhet

Këtë mbrëmje është bërë me dije nga Federata e Futbollit të Anglisë se përballja mes Everton dhe Leicester, ndeshje e vlefshme për javën e 18-të të Premier Ligës angleze nuk do të luhet.

Përballja e planifikuar të mbahet në ‘Goodison Park’ është anulluar si pasojë e rasteve të shtuara me Covid-19. Klubi i Lecester ishte i pari që bëri lajmërimin, ku tha:

“Leicester konfirmojnë se nuk do të luajnë këtë të dielë kundër Everton.”

“Ky vendim merret si pasojë e rasteve të para në klub të infektuar me virusin në 24 orët e fundit.”

Ky vendim për anullimin e takimeve të Premier Ligës vjen menjëher pas atyre të kësaj të shtune ku Manchester United, Aston Villa, Southampton, Watford dhe Norwich nuk zbritën në fushë për të luajtuar ndeshjet respektive si pasojë e rasteve të shtuara me Covid-19.