Dita e sotme ka qenë “ditë lotësh” në shtëpinë e “Big Brother VIP”. Fillimisht ishte largimi i Fifit, që preku të gjithë banorët, të cilët e përcollën mes lotësh.
Pasi këngëtarja u largua nga shtëpia, një surprizë emocionuese për njërin nga banorët, ka prekur sërish konkurrentët.
Një bluzë erdhi me dron, në shtëpinë e “Big Brother VIP”, si një dhuratë dhe njëkohësisht mesazh inkurajues nga fëmijët për Sabianin.
“Forca jote më e madhe, po të ndjekim në çdo sekond, vazhdo kështu babi. Të duam”, ishte shkruar mbi bluzë, fjalë që e emocionuan pa fund këngëtarin, që u përlot.
Veç tij u përlotën edhe banorët e tjerë, Iliri, Antonela, Einxhel, që i qëndruan afër, duke e mbështetur dhe përqafuar.
Kujtojmë, që para pak javësh, vajza dhe djali i Sabianit, erdhën në shtëpi, për të suprizuar të atin.
Discussion about this post