Fitorja e Champions League nga PSG ka trazuar jo pak ujërat në futbollin Europian. Francezët arritën që të kurorëzonin me sukses një aventurë që në fazën e grupeve dukej thuajse e pamundur.
Përfundimi në vendin e 15-të në një fazë me 36 ekipe u përkthye në kualifikim tepër të mundimshëm për skuadrën e teknikut, Luis Enrique. Kjo ka shkaktuar pretendime të shumta nga protagonistët. Arsenal ka shprehur shqetësimin në UEFA për formulën e aplikuar.
Aktualisht, avantazhi vendoset me short të rastësishëm pas raundit të 16-tave për shkak të preferencës së UEFA-s për një “short të hapur”, që do të thotë se skuadrat që kanë performuar më mirë në fazën e grupeve duhet të luajnë në stadiumin e tyre ndeshjet e para çerekfinale dhe gjysmëfinale. Sipas BILD kjo penalizon skuadrat e renditura më poshtë dhe UEFA po mendon që të ndryshojë formatin.
Klubet që pozicionohen midis tetë ekipeve të para në renditje pas fazës së grupeve dhe kualifikohen direkt në raundin e 1/8 do të marrin shpërblim shtesë në të ardhmen. Këto skuadra do të luajnë ndeshjet e dyta të raundeve eliminatore kundër ekipeve të renditura më poshtë në stadiumin e vet pasi kjo më parë vlente vetëm për raundin e 1/16-ave.
Miratimi përfundimtar nga Komiteti Ekzekutiv i UEFA-s konsiderohet një formalitet. Sa i përket PSG, pavarësisht se patën avantazhin e fitores në shtëpi në ndeshjen e dytë gjysmëfinale, francezët udhëtuan drejt stadiumit “Anfield” të Liverpoolit dhe “Villa Park” të Aston Villas për ndeshjet e kthimit, në rrugën e tyre drejt triumfit të parë evropian.
Faza e grupeve të Ligës së Kampionëve për sezonin 2025/26 do të fillojë më 16 shtator.
Discussion about this post