Sampdoria është klubi i radhës që ndryshon trajner në Serie A. Kjo verë ka qenë e “nxehtë” për pankinat në Itali dhe pas largimit të Claudio Ranieri te Lille në Francë, Ferrero ka gjetur menjëherë pasuesin.
Roberto D’Aversa është trajneri i ri i Sampdoria dhe gjithçka është bërë zyrtare. Klubi italian ka dalë me komunikatë dhe bën me dije se kanë nënshkruar kontratë 2-vjeçare me 45-vjeçarin.
D’Aversa karrierën si trajner e ka nisur në vitin 2014 te Virtus Lanciano, skuadër që e drejtoi për 2 vite. Më pas drejtoi Parmën për katër sezone dhe tani ka marrë përsipër Sampdorian.
