Punonjëset e një rrobaqepsie në Fier kanë dalë sërish në protestë për pagat e pamarra. Biznesi fason ku ato punuan për gati një vit u mbyll por gati 70 gra e vajza nuk u shlyen për rrogat e dy muajve. Ata kanë kërkuar takim me pronarin e huaj dhe administratorët shqiptare por nuk kanë marrë përgjigje.
“Problemi shkon drejt edhe në gjykatë sepse deri tani asnjë person përgjegjës nuk ka reaguar që të tregojë një zgjidhje. Edhe sot Zyra e Punës në Fier, u ka komunikuar punonjësve që t’i tregohen gjykatës por kjo ka procedura dhe kosto. Kjo është protesta e dytë e punonjësve që kërkojnë pagat por edhe një sqarim për punën nëse do të vazhdojnë apo jo.”
Gazetarja tha se ende nuk ka një informacion se çfarë ka ndodhur me kompaninë, nëse ka falimentuar apo bëhet fjalë për një mashtrim. Ajo që u është thënë punonjësve nga administratoret shqiptare u është komunikuar se do t’u kalojnë pagat por deri më tani ky premtim nuk është përmbushur.
Në një prononcim për ABC News, punonjëset paralajmërojnë edhe padi në gjykatë nëse problemi i tyre nuk zgjidhet. “Kemi dy muaj dhe 10 ditë pa marrë pagat. Na hodhën në rrugë të madhe pa asnjë arsye. Ku kanë vajtur lekët tona. Përgjegjëset thonë do t’i merrni.“, u shpreh njëra prej tyre.
“Punën ua kam bërë në maksimum. Rrija deri në 7 të darkës. I rrinim dhe tani ne duam lekët. Edhe në gjykatë do t’i hedhim, kam 900 mijë lekë pa marrë. Jam pa punë.“, shtoi një tjetër.
Discussion about this post