Barcelona dhe Boca Juniors do të përballen sot në orën 18:00 në Arabinë Saudite për “Kupën Maradona”, në nder të legjendës argjentinase.
Xavi ka përzgjedhur 11 lojëtarët me të cilët do të fillojë ndeshjen dhe ajo që bie në sy është rikthimi i Dani Alves si titullar. Braziliani u kthye në Barcelonë këtë vit, pasi ishte larguar në 2016-ën, vit kur kishte luajtur për herë të fundit në formacionin titullar të katalanasve.
Ai do të fillojë ndeshjen krahas Dest, Lenglet, Eric Garcia dhe Balde në mbrojtje, ndërsa Xavi ka lënë pushim titullar si Gavi, Frenkie de Jong apo Busquets.
Dani Alves do të udhëheqë ekipin për një fitore dhe për t’i shtuar një tjetër trofe listës së gjatë të atyre që ka fituar. Mbrojtësi brazilian është futbollisti që ka fituar më shumë trofe në histori.
Me Barçën ai ka fituar 6 Liga, 4 Kupa Mbreti, 3 Liga të Kampionëve, 3 Kupat e Botës për Klube, 3 Superkupa Spanjolle dhe 4 Superkupa Evropiane. Alves mund të debutojë në një ndeshje zyrtare pas datës 2 janar, kur të bëhet edhe regjistrimi i tij në La Liga.
Discussion about this post