Në mbledhjen e zhvilluar në kryesinë e Kuvendit me një grup deputetësh që mbështesin linjën e tij politike, deputeti demokrat Enkelejd Alibeaj ka prezantuar prioritetet që sipas tij, PD ka këtë sesion të ri parlamentar.
Në një deklaratë për mediat, Alibeaj tha se prioritetet do të jenë të ndara në tre shtylla, përfshirë këtu reformën legjislative, mbrojtjen e interesit të qytetarëve dhe kontrollin parlamentar. Ndalur te reforma zgjedhore dhe territoriale, Alibeaj theksoi se është prioritet përfundimi i këtyre para zgjedhjeve lokale të vitit 2023.
“Reforma zgjedhore, administrative dhe territorial. Në zgjedhjet vendore të vitit 2023 është prioritet mbyllja e këtyre dy reformave. Ato janë thelbësore për mbrojtjen e interesit të qytetarëve. Këto janë parakusht që pushteti i ri lokal të jetë produkt i interesit të qytetarëve. Të dy grupet e punës që janë ngritur do të nxjerrin propozimet konkrete brenda muajit shtator”, u shpreh ai.
Discussion about this post