“Sot është një kohë e vështirë për të gjithë ne. Por ne duhet të bashkohemi. Së bashku do të fitojmë ! Lavdi Ukrainës!” Kështu e ka komentuar Andrij Ševčenko situatën e vështirë në vendin e tij.
Ish-sulmuesi i Milanit dhe trajneri i kombëtares poston një imazh të kufijve të Ukrainës me flamurin kombëtar.
“Ukraina është atdheu im. Unë kam qenë gjithmonë krenar për popullin tim dhe për vendin tim. Ne kemi kaluar shumë kohë të vështira dhe në 30 vitet e fundit jemi formuar si një komb. Një komb i qytetarëve të sinqertë, punëtorë dhe liridashës. Ky është burimi ynë më i rëndësishëm”.
Një postim, në të cilin Sheva donte të bënte të qartë se cili është qëndrimi i tij për një ngjarje, që po mban pezull opinionin publik botëror dhe që po shqetëson seriozisht të gjithë vendin e saj, të kërcënuar seriozisht në kufi nga trupat ruse.
Ish-sulmuesi i Milanit ka qenë gjithmonë shumë i lidhur me vendlindjen e tij dhe nuk ka humbur rastin të tregojë edhe një herë lidhjen e tij me Ukrainën.
Discussion about this post