Një 64-vjeçar është arrestuar ditën e sotme në Poliçan, pasi është konstatuar duke tentuar të kutivojë lëndë narkotike në tokën e tij.
Policia bën me dije se S. Ç, 64 vjeç, banues në Kapinovë, u arrestua në flagrance, pasi gjatë kontrollit, shërbimet e Policisë kanë gjetur fidanë të dyshuar cannabis sativa të kultivuar në tokën në pronësi të tij.
Njoftimi i plotë:
Poliçan; Evidentohet dhe goditet një rast i tentativës për kultivim të bimëve narkotike.
Arrestohet autori i dyshuar i tentativës për kultivim.
Shërbimet e Policisë Skrapar, në bazë të informacioneve të siguruara, në vijim të kontrollit të territorit, me qëllim evidentimin dhe goditjen e rasteve të tentativës për kultivim të bimëve narkotike, kanë evidentuar një rast të kësaj veprimtarie kriminale, në fshatin Kapinovë, Poliçan.
Në përfundim të veprimeve të para hetimore, specialistët për Hetimin e Krimeve në Stacionin e Policisë Poliçan arrestuan në flagrancë shtetasin S. Ç, 64 vjeç, banues në Kapinovë, Poliçan, pasi gjatë kontrollit, shërbimet e Policisë kanë gjetur fidanë të dyshuar cannabis sativa të kultivuar në tokën në pronësi të tij.
Materialet i kaluan Prokurorisë së Rrethit Gjyqësor Berat, për veprime të mëtejshme procedurale.
